ஐமசுகூ பாராளுமன்ற உறுப்பினர்கள் நால்வர் ஆளும் தரப்பில் அமர்வு

ஐக்கிய மக்கள் சுதந்திரக் கூட்டமைப்பை பிரதிநிதித்துவப்படுத்தும் நான்கு பாராளுமன்ற உறுப்பினர்கள் இன்று ஆளும் தரப்பில் அமர்ந்தனர்.

பாராளுமன்ற உறுப்பினர்களான இந்திக பண்டாரநாயக்க, லக்ஷ்மன் செனவிரத்ன, விஜித் விஜயமுனி சொய்சா, பியசேன கமகே ஆகியோர் ஆளும் தரப்பில் அமர்ந்துகொண்டனர்.

பாராளுமன்றம் இன்று பிற்பகல் 1 மணியளவில் சபாநாயகர் கரு ஜயசூரிய தலைமையில் கூடியது.

இதன்போது, முன்னாள் ஜனாதிபதி மஹிந்த ராஜபக்ஸவை எதிர்க்கட்சித் தலைவராகவும், மஹிந்த அமரவீரவை எதிர்கட்சியின் பிரதம கொறடாவாகவும் நியமிப்பதற்கு தீர்மானித்ததாக சபாநாயகர் தெரிவித்தார்.