இலங்கை ரூபாவின் பெறுமதி பாரிய வீழ்ச்சி

வரலாற்றில் முதல் முறையாக அமெரிக்க டொலர் ஒன்றுக்கான இலங்கை ரூபாவின் பெறுமதி மிகப்பெரிய வீழ்ச்சியை சந்தித்துள்ளது.

இலங்கை மத்திய வங்கி வெளியிட்ட நாணய மாற்று வீதத்தில் இந்த தகவல் வெளியாகியுள்ளது.

அதற்கமைய முதல் முறையாக அமெரிக்க டொலர் ஒன்றுக்கு நிகரான இலங்கை ரூபாவின் பெறுமதி 190 ரூபாவை தொட்டுள்ளது.

இதன்படி இன்றைய தினம் டொலர் ஒன்றின் விற்பனை விலை 190.61 ரூபாவாக பதிவாகியுள்ளது.

உலகளாவிய ரீதியில் கொரோனாவின் தாக்கத்தால் இலங்கை இந்தியா போன்ற நாடுகளின் ரூபாக்களின் பெறுமதி பாரிய  வீழ்ச்சியை நோக்கி சென்றுகொண்டிருக்கின்றன.