சமூக இடைவெளி வழிகாட்டுதல்களை புறக்கணித்த பிஷப் கொரோனாவால் மரணம்!

அமெரிக்கா வர்ஜீனியாவில் உள்ள நியூ டெலிவரன்ஸ் எவாஞ்சலிஸ்டிக் ஆலயத்தின் ஆயர் பிஷப் ஜெரால்ட் க்ளென் கொரோனா தொற்றால் மரணித்தள்ளார்.

அவரது மகள் மார்-ஜெரி கிராலி வெளியிட்ட வீடியோ பதிவு அதனை உறுதி செய்திருப்பதாக சீஎன்என் செய்தி நிறுவனம் தகவல் வெளியிட்டுள்ளது.

வெகுஜனக் கூட்டங்களைத் தவிர்ப்பதற்கும் சமூக தூரத்தைத் தக்கவைத்துக்கொள்வதற்கும் நோய் கட்டுப்பாடு மற்றும் தடுப்பு மையங்களின் எச்சரிக்கைகள் இருந்தபோதிலும் ஜெரால்ட் க்ளென் அந்த உத்தரவை பின்பற்ற வில்லை என்று கூறப்படுகிறது.

ஜெரால்ட் க்ளென் மார்ச் 22 அன்று ஒரு பிரசங்கத்தில், "இந்த பயங்கரமான வைரஸை விட கடவுள் பெரியவர் என்று நான் உறுதியாக நம்புகிறேன்" என்று கூறினார், மேலும் அவர் இறக்க பயப்படவில்லை என்றும் அறிவித்திருந்தார்.