அட்லஸ் 5 ரொக்கெட்டை விண்ணில் செலுத்தியது நாசா

சர்வதேச விண்வெளி ஆராய்ச்சி நிறுவனமான நாசா, அட்லஸ் 5 என்ற ரொக்கெட்டை  விண்ணில் செலுத்தியுள்ளது.  விண்வெளியில் பல்வேறு ஆய்வுகளை நடத்தி வரும் நாசா, காந்த அலைகளின் இணைப்பு குறித்த ஆராய்ச்சியை நடத்தி வருகிறது. 

இதற்கு உதவும் விதமாக, 4 செயற்கை கோள்களை விண்ணில் செலுத்த திட்டமிட்டது. அதன்படி, நான்கு செயற்கைகோளை வடிவமைத்த நாசா, அதனை அட்லஸ் 5 எனும் ரொக்கெட்டில் பொருத்தி, ஃப்ளோரிடா மாகாணத்தில் உள்ள கேப் கேனவர் விண்வெளி தளத்தில் இருந்து விண்ணில் செலுத்தியுள்ளது. 

கவுண்டவுன் முடிந்த உடன் விண்ணில் சீறிப்பாய்ந்த அந்த எம்எம்எஸ் ரொக்கெட், அதன் புவி சுற்றுவட்டப்பாதையை நோக்கி நல்லமுறையில் சென்று கொண்டிருப்பதாக நாசா தெரிவித்துள்ளது.