ஒஸ்கார் விருதுகள் 2017: ”லா லா லேண்ட்” திரைப்படத்திற்கு 5 விருதுகள்

COLOMBO MAIL TODAY February 27, 2017

ஹொலிவூட் திரையுலகின் மிக உயரிய கௌரவமான 89 ஆவது ஒஸ்கார் விருது வழங்கும் விழா லொஸ் ஏஞ்சல்ஸ் நகரில் இம்முறை மிக கோலகலமாக நடைபெற்றது.

14 பிரிவுகளில் பரிந்துரைக்கப்பட்ட ‘லா லா லேண்ட்’ திரைப்படம் சிறந்த இயக்குநர், சிறந்த நடிகை உள்ளிட்ட 5 ஒஸ்கார் விருதுகளை சுவீகரித்தது.

இவ்வருடத்துக்கான சிறந்த திரைப்படத்துக்கான ஒஸ்கார் விருது மூன்லைட் (Moonlight) திரைப்படத்திற்கு வழங்கப்பட்டுள்ளது.

தவறாக அறிவிக்கப்பட்ட ஒஸ்கார் விருது….

சிறந்த திரைப்படத்துக்கான ஆஸ்கர் விருதுக்கு மூன்லைட் படம் தேர்வாகி இருந்த நிலையில், லா லா லேண்ட் படம் விருது பெற்றதாக தவறுதலாக அறிவிக்கப்பட்டது.

சிறந்த படத்துக்கான ஒஸ்கார் விருதை அறிவிக்க நடிகர், இயக்குநர் வாரன் பீடி மேடைக்கு வந்தார். முதலில் அவரிடம் தந்த உறையில் எம்மா ஸ்டோன் – லா லா லேண்ட் என்ற பெயர் இருந்ததால், சிறந்த படம் லா லா லேண்ட் என அவர் அறிவித்தார். படக்குழுவைச் சேர்ந்தவர்களும் மேடைக்கு வந்து விருதுகளைப் பெற்றனர். பிறகு நடுவர் குழுவைச் சேர்ந்த இருவர் மேடைக்கு வந்து நடந்த குளறுபடியை கூறினார்கள். சிறந்த படத்துக்கான உரிய உறையை வாங்கி, மூன்லைட் சிறந்த திரைப்படத்துக்கான விருது பெற்றதாக பின்னர் அறிவிக்கப்பட்டது. ஒஸ்கார் விழாவில் இப்படியான குளறுபடி நடப்பது இதுவே முதல் முறையாகும்.

ஒஸ்கார் விருது வென்றவர்களின் முழுபட்டியல் பினவருமாறு…

* சிறந்த படம்: மூன்லைட் (Moonlight)

* சிறந்த நடிகர்: கேஸி ஆஃப்லெக் – மான்செஸ்டர் பை தி சீ (Manchester by the Sea)

* சிறந்த இயக்குநர்: டாமின் சாஸெல்லே – லா லா லேண்ட்

* சிறந்த தழுவல் திரைக்கதை – மூன்லைட் – திரைக்கதை: பாரி ஜென்கிங்ஸ், கதை – டாரெல் ஆல்வின் மெக்கிரானி

* சிறந்த திரைக்கதை: மான்செஸ்டர் பை தி ஸீ – கென்னத் லோனர்கன்

* சிறந்த பாடல்: சிட்டி ஆஃப் ஸ்டார்ஸ் – லா லா லேண்ட்

* சிறந்த பின்னணி இசை: லா லா லேண்ட் – ஜஸ்டின் ஹர்விட்ஸ்

* சிறந்த ஒளிப்பதிவு – லா லா லேண்ட்

* சிறந்த எடிட்டிங்- ஜான் கில்பர்ட் (படம்: ஹாக்‌ஷா ரிட்ஜ்)

* சிறந்த குறும்படம் (லைவ் ஆக்‌ஷன் பிரிவு)- சிங்

* சிறந்த விஷுவல் எஃபெக்ட்ஸ்- தி ஜங்கிள் புக்