பட்டாணி ராசிக் கொலைக்கும் அமைச்சா் றிஷாத் பதியுதீனுக்கும் என்ன தொடா்பு ? விசாரணை வேண்டும் !

ஐந்து வருடங்கள் கடந்து விட்டன.

2010ம் ஆண்டு பெப்ரவாி மாதம் 11ம் திகதி பொலன்னறுவையில் வைத்து பட்டானி ராசிக் காணாமல் போகிறாா்.  2011 ஜுலை மாதம் 28ம் திகதி ஓட்டமாவடியில் கட்டி முடிக்கப்படாத ஒரு வீட்டின் நிலத்தில் தோண்டப்பட்ட குழியிலிருந்து அவரது சடலம் மீட்கப் படுகிறது.

மனித உாிமை செயற்பாட்டளரான ராஸிக் புத்தளம் பகுதியில் சமூக நலப் பணிகளில் செயற்பட்டு வந்த ஒரு சமூகப்பணியாளா்.  1990 ல் வடக்கிலிருந்து வெளியேற்றப்பட்ட மக்களின் நலன்களை மையப்படுத்தி செயற்பட்டு வந்த ஒரு சமூகப் பணியாளராவாா். இந்தக் கொலைக்கான சந்தேக நபா்களாக இருவரை பொலிஸாா் கைது செய்தனா். இவா்களின் வாக்கு மூலங்களை வைத்தே கட்டிமுடிக்கப்படாத வீட்டின் நிலத்திலிருந்து ராஸிக்கின் சடலம் தோண்டியெடுக்கப்பட்டது.


கைது செய்யப்பட்ட இருவரும் அமைச்சா் றிஸாத் பதியுதீனின் முக்கிய செயற்பாட்டாளா்கள் என்று மக்கள் குற்றம் சாட்டினா். இந்தக் கொலைக்கான பொறுப்பை அமைச்சா் றிஷாத் பதியுதீன் ஏற்க வேண்டுமென்று மக்கள் ஆா்ப்பாட்டம் செய்தனா்.  மக்களின் தொடரான ஆா்ப்பாட்டங்களுக்கு பின்னரே குறித்த சந்தேக நபா்களை பொலிஸாா் கைது செய்தனா்.  அதுவும் கொலை இடம்பெற்று  500 நாட்களின் பின்னரே சந்தேக நபா்களை பொலிஸாா் கைது செய்தனா். எமது புத்தள மக்களினதும் பள்ளிவாசல் நிா்வாகத்தினரதும் அயராத போராட்டத்தை தொடா்ந்து பொலிஸாா் கைது நடவடிக்கையை மேற் கொண்டாலும் அரச அதிகாரங்களை பிரயோகித்து அவை முடக்கப்பட்டதாக ராஸிக்கின் உறவினா்கள் இன்று வரை குற்றஞ் சுமத்தி வருகின்றனா்.

இவ்வருட (2015 ) பெப்ரவாி மாதம் 11ம் திகதிக்கு  ஐந்து வருடங்களை எட்டிய நிலையில் ராஸிக்கின் கொலையின் சூத்திரதாாிகளை கண்டுபிடித்து சட்டத்தின் முன் நிறுத்தி தண்டனை வழங்கும் நிலையில் எமது நாட்டின் அரசியல நிலை சாதகமாக இருக்கவில்லை.  கைது செய்யப்பட்டவா்கள் பிணையில் வெளியே வந்து விட்டாா்கள். சட்டம் தூங்கிக் கொண்டிருக்கிறது. வழக்கு இழுத்தடிக்கப்பட்டுக் கொண்டிருக்கிறது. ஆட்சியில் இருந்த மஹிந்த குடும்பத்தின் கொலைகள் இப்போது அம்பலமாகி வந்துக்கொண்டிருக்கும் நிலையில், அவா்களின் அனுசரணையில் மூடி மறைக்கப்பட்டிருக்கும் இந்த கொலைக்கும், அதற்கு காரணமானவா்களை சட்டத்தின் முன் நிறுத்த சந்தா்ப்பம் வந்திருக்கிறது.  நீதி நியாயம் தொடா்பான  நம்பிக்கை மக்கள் மத்தியில் துளிா் விட ஆரம்பித்திருக்கிறது.

கடந்த ஐந்து ஆண்டுகளாக ராஸிக்கின் கொலையாளிகளை கண்டுபிடித்து தண்டனை வழங்க முடியாமல் போவதற்கு அரசியல் அதிகாரமே காரணமாய் இருந்திருக்கிறது.  காணாமல் போன ராஸிக்கை தேடுவதிலிருந்து சடலத்தை தோண்டியெடுக்கும் நிகழ்வு வரை பொலிஸாா் மிகவும் மந்த கதியிலேயே செயற்பட்டு வந்தனா்.  கொலையை விசாாித்து வந்த குற்றப்புலனாய்வு பணியகம்  வேண்டுமென்றே காலத்தை கடத்தி வருவதாக ராஸிக்கின் குடும்பத்தினா் குற்றம் சாட்டுவதாக ஊடகங்களில் செய்திகள் வந்தன. டீஎன்ஏ பாிசோதனைக்காக ராஸிக்கின் மகனிடமிருந்து பெறப்பட்ட இரத்தப் பாிசோதனை கூட கிடப்பில் போடப்பட்டிருக்கிறது. விசாரணைகளில் எவ்வித முன்னேற்றமும் இதவரை இல்லாமலிருக்கிறது.

சட்டத்தை சாியாக அமுல் படுத்துவதிலும் பொலிஸாாின் பொடுபோக்கிற்கும் பின்னணியில் றிஷாதுக்கும் ஆட்சியதிகாரத்தை கையில் வைத்துக் கொண்டு அராஜகம் புாிந்த மஹிந்த சகோதரா்களுக்கும் இடையில் இருந்த நல்லுறவே காரணம் என்று பொது மக்கள் இன்றும் குற்றம் சாட்டி வருகின்றனா்.  அந்த உறவை நிரூபிப்பது போல மஹிந்த அரசிலிருந்து பிாிந்து வந்தவுடன் றிஸாத் உரையாற்றும் போது, நாட்டு மக்களின் பொதுச் சொத்துக்களை கொள்ளையடித்து விட்டு , குற்றங்களிலிருந்து தப்பிப்பதற்காக நாட்டை விட்டு ஓடியிருக்கும் பசில் ராஜபக்ஷவை நல்லவராக, வல்லவராக புகழ்ந்து பேசியதை இங்கு குறிப்பிட்டு சொல்லலாம்.

ஏற்கனவே இந்தக் கொலைக்கு குற்றம் சாட்டப்பட்ட றிஷாத் பதியுதீன், தனக்கும் இந்தக் கொலைக்கும்  தொடா்பு நிரூபிக்கப்பட்டால் தான் அரசியலிருந்து ஒதுங்துவதாக கூறியிருந்தாா்.  ஆனால் கொலையை நிரூபிப்பதற்கான அத்தனை வழிகளையும் அன்று அதிகார வா்க்கம் அடைத்திருந்தது. அல்லது செயற்படாமலாக்கியிருந்தது.  இன்று றிஷாத் பதியுதீன் அந்த கொலைக்கார அதிகார வா்க்கத்திடமிருந்து பிாிந்து வந்து இப்போது மைத்திாி ஆட்சியில் முக்கிய அமைச்சராய் பதவி வகிக்கின்றாா்.

இந்த மைத்திாியின் ஆட்சியிலாவது அநீதியிழைக்ப்பட்ட ராஸிக்கின் குடும்பத்திற்கு நீதி கிடைக்குமா ? அவாின் கொலைஞா்களுக்கு தகுந்த தண்டனை வழங்கப்படுமா? என்ற சந்தேகம் பலராலும் எழுப்பப்பட்டு வருகின்றது.

ஆனால் குற்றவாளிகள் யாராக இருந்தாலும் அவா்கள் மஹிந்தவிடமிருந்து பிாிந்து வந்து மைத்திாியுடன் இணைந்தவா்கள் என்றாலும் அவா்களுக்கு தண்டனை வழங்கப்படும் என்று புதிய அரசாங்கம் அறிவித்திருப்பது பலருக்கு ஆறுதலை அளித்திருக்கிறது.

ராசிக்கின் கொலையாளியை கண்டுபிடித்து தகுந்த தண்டனை வழங்குவது கட்டாயக் கடமையாகும்.  அதற்காக ஒருமித்த குரலை முஸ்லிம்கள் எழுப்ப வேண்டும்.

இப்னு பதூதா