பஸ் கட்டணங்கள் குறைப்பு

இன்று முதல் அமுலுக்கு வரும் வகையில் பஸ் கட்டணங்கள் குறைக்கப்பட்டுள்ளன.

அதற்கமைய 8 தொடக்கம் 10 வீதம் பஸ் கட்டணம் குறைக்கப்படும் என உள்ளக போக்குவரத்து அமைச்சர் ரஞ்சித் மத்தும பண்டார தெரிவித்துள்ளார்.

குறைந்த கட்டணமாக 9 ரூபாவாக காணப்பட்ட பஸ் கட்டணம் 8 ரூபாவாக குறைக்கப்பட்டுள்ளதாகவும் அமைச்சர் குறிப்பிட்டுள்ளார்.

13 ரூபாவாக காணப்பட்ட பஸ் கட்டணம் 12 ரூபாவாகவும் , 17 ரூபா தொடக்கம் 34 ரூபா வரை காணப்பட்ட கட்டணம் 2 ரூபாவினாலும் குறைக்கப்பட்டுள்ளன.

37 ரூபா தொடக்கம் 41 ரூபா வரையான பஸ் கட்டணம் 3 ரூபாவாலும் , 44 தொடக்கம்59 ரூபா வரை காணப்பட்ட பஸ் கட்டணம் 4 ரூபாவிலும் குறைக்கப்பட்டுள்ளதாக உள்ளக போக்குவரத்து அமைச்சர் குறிப்பிட்டார்.

62 ரூபா தொடக்கம் 64 ரூபா வரை காணப்பட்ட பஸ் கட்டணம் 5 ரூபாவால் குறைக்கப்பட்டுள்ளது.