சஜித்துக்கு தமிழ்த் தேசிய கூட்டமைப்பு ஆதரவு தெரிவிக்குமா?

“புதிய ஜனாதிபதியாக வரவுள்ளவர் இனப்பிரச்சினைக்கு அரசியல் தீர்வைக் கண்டே தீரவேண்டும். புதிய அரசமைப்பைக் கொண்டுவருவதன் மூலமே தமிழ் மக்கள் எதிர்பார்க்கும் தீர்வைக்காண முடியும் என்று தமிழ்த் தேசியக் கூட்டமைப்பின் தலைவர் இரா.சம்பந்தன் தெரிவித்துள்ளார்.

ஐதேக முன்னணியின் ஜனாதிபதி வேட்பாளராக சஜித் பிரேமதாஸ தொிவு செய்யப்பட்டதையிட்டு கருத்து தொிவிக்கையிலேயே அவர் இவ்வாறு கூறியுள்ளார்.

தமிழ் மக்களுக்கான தீர்வு தொடர்பில் முக்கிய கவனம் செலுத்தி உத்தரவாதம் வழங்கும் ஜனாதிபதி வேட்பாளருக்கே தமிழ்த் தேசியக் கூட்டமைப்பு ஆதரவு வழங்கும் என கூறியுள்ள  தமிழ்த் தேசியக் கூட்டமைப்பின் தலைவர் இரா.சம்பந்தன், 
ஐக்கிய தேசியக் கட்சியின் ஜனாதிபதி வேட்பாளர் சஜித் பிரேமதாசவுடன் நேரில் பேச்சு நடத்த கூட்டமைப்பு தயாராகவுள்ளது எனவும்,  அதேபோல், ஏனைய கட்சிகளின் வேட்பாளர்களுடனும் பேச்சு நடத்தக் கூட்டமைப்பு தயாராக இருக்கின்றது என்று கூறியுள்ளார்.

பேச்சுக்களின்போது எட்டப்படும் தீர்மானங்களை வைத்தே எந்த வேட்பாளருக்கு ஆதரவு வழங்குவது எனக் கூட்ட்டமைப்பின் நாடாளுமன்றக் குழுவும், ஒருங்கிணைப்புக்குழுவும் இறுதி முடிவு எடுக்கும் என்றும் கூறியுள்ளார்.