ஸ்பெய்னில் அரசுடைமையாக்கப்பட்ட தனியார் வைத்தியசாலைகள்!

கொரோனா வைரஸின் பரவலை தடுப்பதற்காக போராடி வரும் ஸபெய்ன் தனது  சமீபத்திய நடவடிக்கையாக  நாட்டின் அனைத்து மருத்துவமனைகளையும் சுகாதார வழங்குநர்களையும் தேசியமயமாக்கியுள்ளது.

ஸ்பெயினில் COVID-19 வைரஸ் வேகமாக பரவி வருவதால் பிரதம மந்திரி பெடரோ சான்செஸின் நிர்வாகத்தில் இயங்கும் சுகாதார அமைச்சகம் திங்களன்று ஸ்பெயினின் அனைத்து தனியார் சுகாதார வழங்குநர்களையும் அவற்றின் வசதிகளையும் பொது கட்டுப்பாட்டுக்குள் கொண்டுவருவதாக அறிவித்தது. இந்த நடவடிக்கையை ஸ்பெயினின் சுகாதார மந்திரி சால்வடார் இல்லா அறிவித்ததாக தி கார்டியன் தெரிவித்துள்ளது.

ஸ்பெயினில் நான்காம் ஆண்டு மருத்துவ மாணவர்கள் நாட்டின் சுகாதார சேவைக்கு உதவுமாறு கேட்கப்படுவார்கள் என்றும் அதே நேரத்தில் மருத்துவ உபகரணங்களை உற்பத்தி செய்யும் நிறுவனங்கள் அரசாங்கத்துடன் தொடர்பு கொள்ள வேண்டும்.

சீனாவிற்கு வெளியே மிக மோசமாக பாதிக்கப்பட்ட நாடுகளில் ஸ்பெயினும்  ஒன்றாகும், மேலும் கொரோனா வைரஸின் பரவலை எதிர்த்துப் போராடும் முயற்சியில் அதன் அரசாங்கம் பல சிறப்பான நடவடிக்கைகளை எடுத்துள்ளது.

பாடசலைகள் மற்றும் பொது இடங்களை மூடி, உணவு மற்றும் அத்தியாவசிய மருந்துகள் போன்ற அத்தியாவசிய பொருட்களை வாங்கவும்,தொழில் நிமித்தம் மட்டுமே வீட்டிலிருந்து வெளியேற முடியுமென அந்நாட்டு மக்களுக்கு அறிவித்துள்ளது.

“ஸ்பெயினின் அரசாங்கம் அதன் அனைத்து குடிமக்களையும் பாதுகாப்பதுடன் தொற்றுநோயை முடிந்தவரை கட்டுப்பாட்டிற்குள் கொண்டுவந்து  மக்களின் வாழ்க்கை நிலைமைகளுக்கு உத்தரவாதம் அளிக்கும்” என்று அந்நாட்டின் பிரதமர் சான்செஸ் கூறினார்.

சூப்பர் மார்க்கெட்டுகள் மற்றும் மருந்தகங்களைத் தவிர – உணவகங்கள், பார்கள் மற்றும் கடைகளையும் மாட்ரிட் மூடியுள்ளது. அதன் குடிமக்களின் நடமாட்டத்தை கண்காணிக்க அதிகாரிகள் ட்ரோன்களைப் பயன்படுத்துகின்றனர்.

ஸ்பெயினில் திங்கள்கிழமை நிலவரப்படி 9,191பேர் வைரஸ் தொற்றுக்கு ஆளாகியிருப்பதுடன்  309பேர் உயிரிழந்துள்ளனர்.(lankaview)