மினுவாங்கொடையில் போதைப்பொருள் விழிப்புணர்வு ஊர்வலம்

( ஐ. ஏ. காதிர் கான் )

இளம் சமுதாயத்தினரை போதைப்பொருள் அடிமையிலிருந்து பாதுகாக்கும் நோக்கில்,  மினுவாங்கொடை -  கல்லொழுவை  கிராமத்தில் வசிக்கும் சிங்கள,  முஸ்லிம், கிறிஸ்த்தவ மக்கள் ஒன்றிணைந்து,  கிராமிய மட்டத்திலான  அமைப்புக்கள் ஊடாக,  போதைப்பொருள் ஒழித்தல் தொடர்பிலான  விழிப்புணர்வு ஊர்வலம் ஒன்றை, அண்மையில்  ஏற்பாடு செய்திருந்தனர். 

   இந்த நிகழ்வில், மினுவாங்கொடை பிரதேச அனைத்து சமய மதகுருமார்கள், கல்லொழுவை  அல் - நிழாமிய்யா அரபிக் கல்லாரி மாணவர்கள், விரிவுரையாளர்கள், கல்லொழுவை அல் - அமான் முஸ்லிம் மகா வித்தியாலயம் மற்றும்  அஹதிய்யாப்  பாடசாலை மாணவர்கள் உள்ளிட்ட மினுவாங்கொடைக் கிளை அகில இலங்கை ஜம்இய்யத்துல் உலமா சபையின் உறுப்பினர்கள்,  கல்லொழுவை முஸ்லிம் நலன்விரும்பி  சகோதரர்கள் எனப்பலரும் கலந்து சிறப்பித்தனர்.